स्वर्णिम युग फाउन्डेशनले सिन्धुलीको कमलामाइ नगरपालिकाको बेल्टारस्थित शिखर माध्यमिक विद्यालयका विद्यार्थीहरुलाई शैक्षिक सामाग्री उपहार प्रदान अभियान सम्पन्न गरेको छ ।

सामुदायिक विद्यालयका आर्थिक रुपमा पिछडिएका विद्यार्थीहरुलाई शैक्षिक सामाग्री उपहार वितरण गर्ने कार्यलाई निरन्तरता दिइरहेको फाउन्डेशनले आइतबार विद्यालयको प्रांगणमै गएर एक कार्यक्रमका बीच शैक्षिक सामाग्री हस्तान्तरण गरेको हो ।

कार्यक्रममा कमलामाइ नगरपालिकाका मेयर खड्ग बहादुर खत्रीको प्रमुख आतिथ्यता रहेको थियो । नगर प्रमुख खत्रीले बालिकालाई ब्याग, त्यसभित्र भएका शैक्षिक सामाग्रीहरु, स्यानिटाइजर कसरी प्रयोग गर्ने भन्दै सिकाएर हस्तान्तरणको सुरुवात गरेका थिए ।

त्यसपछि भने कक्षा ९ र १० का विद्यार्थीहरुले कक्षा नर्सरीदेखि ८ कक्षासम्मका ११६ जना विद्यार्थीहरुलाई शैक्षिक सामाग्री हस्तान्तरण गरेका थिए ।

किताब जतन गर्ने अवस्थाबाट बञ्चित बालबालिकाहरु संस्थाको शैक्षिक सामाग्री वितरणले केही समयलाई ढुक्क बनाएको त्यहाँका अभिभावकले बताएका छन् ।

त्यस्तै, जीवनलाई सफल र सन्तुष्ट बनाउनका लािग खेम शर्माद्वारा लिखित स्वर्णिम रहस्य पुस्तक पनि उपहारस्वरुप प्रदान गरिएको थियो ।

पुस्तक प्रमुख अतिथि मेयरलाई स्वर्णिम युगको तर्फबाट प्रदान गरिएको थियो भने मेयर खत्रीले अन्य अतिथि तथा विद्यालयका हेडमास्टरलाई प्रदान गरेका थिए ।

कार्यक्रममा मेयर खत्रीले स्वर्णिम युगलाई आभार व्यक्त गर्दै विद्यार्थीहरुलाई शैक्षिक सामाग्रीको सदुपयोग गर्न आग्रह गरेका थिए । त्यस्तै, समयको पालना नगर्नाले नेपाली पछि परेको बताउँदै मेयर खत्रीले विद्यार्थी तथा शिक्षक अभिभावक सबैमा समयप्रति सचेत हुन पनि अनुरोध गरेका थिए ।

त्यस्तै, कमलामाई नगरपालिका १ का वडाध्यक्ष महेशराज खतिवडाले संस्थाले गरेको सहयोगलाई धन्यवाद ज्ञापन गरेका थिए । त्यस्तै, विद्यालयका प्रधानाध्यपक सम्बर बहादुर बम्जनले संस्थाप्रति अभार ज्ञापन गरे भने विद्यार्थीले आफूहरुले पनि पछि गएर अरुलाई सहयोग गर्ने ज्ञान प्राप्त भएको बताए ।

निकै विकट स्थानमा रहेको विद्यालयका विद्यार्थीहरु निकै कष्टकर ढंगले अध्ययन गरिरहेका छन् । एम्बुलेन्स समेत जान नसक्ने स्थानमा रहेको गाउँमा जीवन अवश्य पनि कठीन छ । यस्तो थोरै भएपनि सहयोग होस् भन्ने भावनाले विदेशमा रहेर पनि नेपालको हित चिताउने सहायोगी मनहरुको अगुवाईले शैक्षिक सामाग्री प्रदान गर्न सम्भव भएको हो ।

यसरी जजसले जे जे जति सहयोग गर्नु भएको छ त्यसका लागि स्वर्णिम युग सबैमा हार्दिक आभार व्यक्त गर्दछ साथै सुन्दर भविष्य निर्माणका यो अभियानमा जोडिनुभएकोमा धन्यवाद ज्ञापन गर्दछ ।

• Supporters
• Gallery

Deepak Sharma

Krishna Thapa

ShiningPens

Shiwakoti Bags

Kathmandu Digital

Bharat Sharma

Pooja Dahal Raut

Khem Sharma

Yek Raj Pathak

Suwan Chaulagain

Sunshine Migration Services

Nabin K Chhetri

Sushma Gurung

Megha Raj Poudel

Bigyan Poudel

Yogesh Pokharel

Kushal Adhikari

Ramesh Rawal

Prakash Panthi

Khumlal Poudel

1 2 Next »